24 აპრილის ღამეს რუსეთის ძალებმა უკრაინის დედაქალაქ კიევზე მასშტაბური იერიში მიიტანეს. ბოლო მონაცემებით, მტრის თავდასხმას 9 ადამიანი ემსხვერპლა, ხოლო დაშავებულია 63, მათ შორის ექვსი ბავშვი და ერთი ორსული.
კიევის მერის ვიტალი კლიჩკოს ცნობით, ყველაზე მეტად კიევის სვიატოშინის რაიონი დაზარალდა. ხანძარი გაჩნდა 6 ლოკაციაზე. რუსეთის ძალების შეტევას მოჰყვა ნგრევაც. სამაშველო სამსახურები ადგილზე ამ დრომდე მუშაობენ.
კიევის საქალქო სამხედრო ადმინისტრაციის ხელმძღვანელის ტიმურ ტკაჩენკოს ინფორმაციით, გოლოსეევის რაიონში ხანძრის ორი კერა დაფიქსირდა, შევჩენკოს რაიონში კი - ოთხი.
სვიატოშინის რაიონში მტრის ჭურვები მოხვდა სამოქალაქო ინფრასტრუქტურას.
დაშავებულთა შორის 42 ადამიანი საავადმყოფოებშია გადაყვანილი.
