გაეროს სპეციალური მომხსენებელი უფლებადამცველთა საკითხებში, მერი ლოულორი საქართველოს პარლამენტის მიერ "გრანტების შესახებ" კანონში შეტანილ ცვლილებებთან დაკავშირებით შეშფოთებას გამოთქვამს.
მერი ლოულორი ოლიგარქის გუნდს მოუწოდებს, რომ კანონი გააუქმონ.
"შემაშფოთებელი ამბები მესმის საქართველოს პარლამენტში დაჩქარებული პროცედურის შედეგად მიღებულ საკანონმდებლო ცვლილებებთან დაკავშირებით, რომლებიც ზღუდავს უცხოურ გრანტებს. ძალიან შემაშფოთებელია ადგილობრივი ადამიანის უფლებათა დამცველებზე [კანონის მოსალოდნელი] ზემოქმედება. არ არის გვიან — ეს არ უნდა იქნას ხელმოწერილი და უნდა გაიმართოს კონსულტაციები სამოქალაქო საზოგადოებასთან“, - წერს ლოულორი.
