თურქულმა კატერმა ცეცხლი გაუხსნა საბერძნეთის სანაპირო დაცვას, რომელიც შაბათს დილით ცდილობდა ინსპექტირებას საბერძნეთის ტერიტორიულ წყლებში ეგეოსის ზღვის აღმოსავლეთით კუნძულ ლესბოსთან.
ბერძნული მედიის ცნობით, შემთხვევა დილის 8 საათზე მოხდა.
წინასწარი ინფორმაციით, ეჭვმიტანილებმა ბერძნული სანაპირო დაცვის გემის მიმართულებით კალაშნიკოვის ავტომატიდან სამჯერ გაისროლეს
ბერძნულმა გემმა საპასუხო ცეცხლი გახსნა, რის შედეგადაც კატერი აიძულა თურქეთის სანაპიროსკენ გაბრუნებულიყო.
ბერძნულ მხარეს არავინ დაშავებულა. სანაპირო დაცვის გემი მიტილენის პორტში დაბრუნდა.
საბერძნეთის ხელისუფლებას ოფიციალური განცხადება ჯერჯერობით არ გაუკეთებია.
საბერძნეთი და თურქეთი ნატო-ს წევრები არიან, მაგრამ ათწლეულების განმავლობაში უთანხმოება აქვთ სხვადასხვა საკითხთან დაკავშირებით.
თუმცა 2023 წლის ბოლოს საბერძნეთის პრემიერ-მინისტრმა მიცოტაკისმა და თურქეთის პრეზიდენტმა ერდოღანმა ხელი მოაწერეს ათენის დეკლარაციას ორმხრივი ურთიერთობების ნორმალიზაციის შესახებ.
ქვეყნებს შორის ურთიერთობებში კვლავ გადაუჭრელი რჩება საზღვაო საზღვრების დემარკაციის საკითხი.
