მისი თქმით, აფხაზეთის დამოუკიდებლობაზე ჰიპოთეტური ვაჭრობა მათ არ გამოუვათ. კოლეროვის აზრით, მათ იპოვეს "სუსტი მარცვალი" სამხრეთ ოსეთის სახით და ქვეყნის პოლიტიკურ ხელმძღვანელობას შეგნებულად უტოპიური იდეისკენ უბიძგებენ, რომ სამხრეთ ოსეთის ბედით ვაჭრობით შესაძლოა, "მიიღონ მთელი საქართველო". თუმცა არც ზურაბიშვილი, ნოღაიდელი და ბურჯანაძე, რომლებსაც პირდაპირი პასუხისმგებლობა ეკისრებათ სააკაშვილის ნაციონალური დიქტატურის შექმნისა და განმტკიცების საქმესა და აფხაზებისა და ოსების წინააღმდეგ ომის მომზადებაში, არანაირად არ წარმოადგენენ მთელ საქართველოს, არც მის უმრავლესობას.

კოლეროვის განცხადებით, ისინი "ფიურერ-პარტიის" გზადაკარგული და არშემდგარი წინამძღვრები, რომელთა ადრეული ბიზნესპროექტები და პოლიტიკური რიტორიკა მთლიანად აშიშვლებდა მათ ანტირუსულ შინაარსს. მათი სახით არ არსებობს არანაირი "მეგობრული" საქართველო, რომელიც იწყება არა ჰაერით ვაჭრობიდან, არამედ რეალობის შეგრძნებით და სააკაშვილის მიერ საქართველოს შიგნით და მის გარეთ ჩადენილი დანაშაულის გამო ქმედითი მონანიებით.

"მნიშვნელოვანია, რომ რაც არ უნდა გამოიგონონ ამ ლობისტებმა სამხრეთ ოსეთის მარიონეტული ხელისუფლების ფორმირების შესახებ, ოსეთის ბედი მაინც საქართველოს ხელისუფლების ხელშია. მათ კი 2008 წელს ცხინვალის ნაწილი დამოუკიდებლად გაათავისუფლეს რუსეთის ჯარის მოსვლამდე და არა ამ კაბინეტის მოღალატეების პროექტის მიხედვით. ხოლო მოღალატეებს, რომელთაც პირადი მატერიალური უზრუნველყოფის მიზნით რუსეთის ხელისუფლების მოტყუება განუზრახავთ, ვურჩევდი, არ დაევიწყებინათ, რომ აფხაზეთისა და სამხრეთ ოსეთის აღიარება, უკრაინის შავი ზღვისპირეთის ფლოტის ბედთან ერთად, ყოფილი საბჭოთა კავშირის სივრცეში დიმიტრი მედვედევის მთავარი ისტორიული მიღწევაა და არავის უფლება არაა, ისინი გადახედვას დაუქვემდებაროს", _ აღნიშნა ექსპერტმა.