ეჭვი მეპარება, პირადად მე, ან კომისიის რომელიმე წევრს რაიმე დაგვაკლდეს, თუ გიორგი ვაშაძე კომისიის სხდომაზე არ მოვა, - ამის შესახებ პარლამენტის დროებითი საგამოძიებო კომისიის წევრმა, ალუდა ღუდუშაურმა ჟურნალისტებს განუცხადა.
"სიმართლე გითხრათ, ბატონი გიორგი ვაშაძე მოვა თუ არა აქ, ამით მე პირადად, ან კომისიის რომელიმე წევრს, ეჭვი მეპარება, რომ რამე დაგვაკლდეს. გასული 4 წელიწადიც, როდესაც ჩემი კოლეგა ერქვა ოპოზიციიდან ბატონ ვაშაძეს, იქაც მეყოფოდა მისი საცირკო წარმოდგენების ხილვა. რომ გითხრათ, თუ არ მოვა, ამით რამე დამაკლდება - მეთქი, ძალიან შემცდარა. ასე გადაეცით. აი, ამ ცრუ კეკლუცობას რომ თავი დაანებოს და თუნდაც ის საცირკო წარმოდგენები, როგორც მას უყვარდა ხოლმე, მოვიდეს და იმ ჟანრში წარმოგვიდგინოს თავი. კანონმდებლობას რაც შეეხება - ბატონ ვაშაძეს მინდა ვუთხრა, რომ ასეთ შემთხვევაშიც საქართველოს კანონმდებლობა, ბუნებრივია, იქნება გამარჯვებული", - განაცხადა ღუდუშაურმა.
საგამოძიებო კომისიამ ხვალინდელ სხდომაზე "სტრატეგია აღმაშენებლის" ლიდერი გიორგი ვაშაძე დაიბარა. ვაშაძემ განაცხადა, რომ სხდომაზე მისვლას არ აპირებს.
