დიდი ბრიტანეთის პრემიერ-მინისტრი კირ სტარმერი აშშ-ის პრეზიდენტ დონალდ ტრამპს ტელეფონით ესაუბრა.
ლიდერებმა განიხილეს ეკონომიკური თანამშრომლობის საკითხები და უკრაინაში არსებული ვითარება, კერძოდ, შეთანხმდნენ გააგრძელონ პუტინზე ზეწოლა. ამის შესახებ დიდი ბრიტანეთის პრემიერის ოფისის განცხადებაშია ნათქვამი.
უკრაინაში მიმდინარე ომის განხილვისას, სტარმერმა ტრამპს მიაწოდა ინფორმაცია „მსურველთა კოალიციის“ შეხვედრის შედეგების შესახებ, რომელიც პარიზში 27 მარტს გაიმართა.
„ლიდერები შეთანხმდნენ პუტინზე კოლექტიური ზეწოლის გაგრძელების აუცილებლობაზე“, - ნათქვამია განცხადებაში.
გარდა ამისა, სტარმერი და ტრამპი შეთანხმდნენ, რომ დარჩნენ კონტაქტზე უახლოეს დღეებში.
