ელენე ხოშტარია დიღმის იზოლატორში აწამეს, - ამის შესახებ წერს "ერთიანობა ნაციონალური მოძრაობის" თავმჯდომარე თინა ბოკუჩავა.
"ელენე ხოშტარია დიღმის იზოლატორში აწამეს. ყველა საერთაშორისო სტანდარტით, იზოლატორში გაშიშვლება არის არაადამიანური და წამების ტოლფასი მოპყრობა. ყველა ნიშნით ვართ პუტინის რუსეთში. პოლიტიკური ოპონენტების დაჭერა და ოპოზიციის აკრძალვა. დემონსტრანტების მასობრივი დაჭერები. ციხეებში წამება. ტელევიზიების და სამოქალაქო სექტორის მოგუდვა. ჟურნალისტებზე ტერორი. გვაკლია მხოლოდ ოპოზიციონერების და ჟურნალისტების ციხეში და ქუჩაში დახოცვა. თუ დროულად არ მივიღეთ ადეკვატური ზომები, მაქამდეც მივალთ," - წერს სოციალურ ქსელში თინა ბოკუჩავა.
