რუსეთის ჯარები უახლოეს კვირებში ემზადებიან ახალი შეტევისთვის, რათა მაქსიმალურად გაზარდონ ზეწოლა უკრაინაზე და გააძლიერონ კრემლის პოზიციები ცეცხლის შეწყვეტის შესახებ მოლაპარაკებებში. ამის შესახებ AP უკრაინის მთავრობის წარმომადგენლებსა და ანალიტიკოსებზე დაყრდნობით იუწყება.
წყაროების თქმით, ამან შეიძლება მისცეს ვლადიმირ პუტინს საფუძვლები, გააჭიანუროს მოლაპარაკებები ბრძოლის დასასრულებლად დაშეეცდება მეტი ტერიტორიის ხელში ჩაგდებას.
უკრაინის ოფიციალურმა პირებმა კიდევ ერთხელ ხაზგასმით აღნიშნეს, რომ რუსეთი არ არის დაინტერესებული რეალური დიალოგის გზით ომის დასრულებაში.
როგორც წყაროებმა გამოცემას განუცხადეს, საგაზაფხულო ბრძოლების მოახლოებასთან ერთად, კრემლი ემზადება მრავალვექტორიანი შეტევისთვის 1000-კილომეტრიანი ფრონტის ხაზის გასწვრივ.
უკრაინის პრეზიდენტმა ვოლოდიმირ ზელენსკიმ დაზვერვის მონაცემებზე დაყრდნობით განაცხადა, რომ რუსეთი ამზადებს ახალ თავდასხმებს სუმის, ხარკოვისა და ზაპორიჟიეს რეგიონებში.
გამოცემა აღნიშნავს, რომ ჩრდილოეთში რუსმა და ჩრდილოეთ კორეელმა ჯარისკაცებმა თითქმის ჩამოართვეს კიევს მნიშვნელოვანი კოზირი მოლაპარაკებებში, როდესაც კურსკის რეგიონის უმეტესი ნაწილი დაიბრუნეს.
აღმოსავლეთ ფრონტზე ბრძოლები ასევე გაძლიერდა დონეცკისა და ზაპორიჟიის რეგიონებში.
ზოგიერთი მეთაური შეშფოთებულია იმის გამო, რომ შესაძლოა, რუსეთმა განაახლოს საბრძოლო ძალები კურსკიდან აღმოსავლეთის სხვა ნაწილებში.
