ოკუპირებული აფხაზეთის ე.წ. შინაგან საქმეთა მინისტრმა რობერტ კიუტმა განაცხადა, რომ ირაკლი ბებუა 2025 წლის 30 მარტს გათავისუფლდება. თვითგამოცხადებულმა ხელისუფლებამ ირაკლი ბებუა 2020 წელს დააკავა დამას ცხრა წლით თავისუფლების აღკვეთა მიუსაჯა.
კიუტმა უარყო ინფორმაცია იმის შესახებ, რომ ბებუა საპატიმროს ვადამდე ადრე დატოვებს.
„ის 2020 წლის 30 სექტემბერს დააკავეს. ეს ფაქტი ალბათ ყველამ იცის. მან ეროვნული დროშის დაწვის აქტი ჩაიდინა, რისთვისაც სისხლის სამართლის პასუხისმგებლობა 9 წლის ვადით დაეკისრა. ჯამში ის 4 წელი და 6 თვე უნდა იჯდეს. 30 მარტს მას წინასწარი დაკავების იზოლატორში ყოფნის ვადა ეწურება. შესაბამისად, ჩვენ ვალდებულები ვიქნებით გავათავისუფლოთ იგი.
არავინ გეგმავს ამ ადამიანის ნაადრევად გაშვებას. ეს ყველაფერი (ხდება) იმ მუხლის და იმ პირობების შესაბამისად, რომელიც მას სასამართლომ დაუნიშნა”, - აღნიშნა კიუტმა.
