ვინც თვითმმართველობის არჩევნებს ეკეკლუცებოდა გულში - დასრულდა ეს პოლიტიკური რომანტიზმი - ამის შესახებ წერს "ნაციონალური მოძრაობის" წევრი ხატია დეკანოიძე "ქართული ოცნების" ახალ გადაწყვეტილებაზე ოპოზიციური პარტიების არაკონსტიტუციურად გამოცხადებასთან დაკავშირებით.
"რეჟიმი ამბობს, რომ ნაციონალური მოძრაობის და სხვა პარტიების არაკონსტიტუციურად გამოცხადებას გეგმავს.
სასიცოცხლოდ მნიშვნელოვანია გავიაზროთ, რომ არაფერი იქნება “უკეთესად” რეჟიმის პირობებში.
ვინც გულში ეკეკლუცებოდა თვითმმართველობის არჩვენებს - პოლიტიკური რომანტიზმი უნდა დასრულდეს.," - წერს ხატია დეკანოიძე.
შეგახსენებთ, დღეს, საპარლამენტო უმრავლესობის ლიდერმა, „ქართული ოცნების“ აღმასრულებელმა მდივანმა, მამუკა მდინარაძემ ბრიფინგზე განაცხადა:"აშკარაა, რომ საგამოძიებო კომისიის დასკვნა მოგვცემს მყარ საფუძველს, მივმართოთ საკონსტიტუციო სასამართლოს „ნაცმოძრაობისა“ და მისი სატელიტების არაკონსტიტუციურად გამოცხადებასთან დაკავშირებით".
