აშშ-ის პრეზიდენტის დონალდ ტრამპის სპეციალურმა წარმომადგენელმა სტივ უიტკოვმა ამერიკელ ჟურნალისტ ტაკერ კარლსონთან ინტერვიუში რუსეთში მეორე ვიზიტის შთაბეჭდილებები გაიხსენა და აღნიშნა, რომ რუსეთის პრეზიდენტი, ვლადიმირ პუტინი ცუდ ადამიანად არ მიაჩნია.
უიტკოფის თქმით, კრემლში მეორე ვიზიტის დროს, პუტინმა პრეზიდენტ ტრამპის პორტრეტი შეუკვეთა რუსეთის საუკეთესო მხატვარს და "ფაქტობრივად აჩუქა" უიტკოფს და სთხოვა გადაეცა იგი ტრამპისთვის.
"როდესაც პრეზიდენტი [ტრამპი] დაჭრეს, პუტინი წავიდა თავის ადგილობრივ ეკლესიაში, შეხვდა მღვდელს და ილოცა პრეზიდენტისთვის. არა იმიტომ, რომ ის შეერთებული შტატების პრეზიდენტი იყო ამ შესაძლოა, გამხდარიყო, არამედ იმიტომ, რომ
პუტინს მეგობრობა ჰქონდა მასთან და ამიტომ ილოცა თავისი მეგობრისთვის” - თქვა უიტკოფმა.
უიტკოფმა თქვა, რომ მან ტრამპს ეს ამბავი უამბო და ნახატი გადასცა. ”და აშკარა იყო, რომ ამან მასზე იმოქმედა”, - აღნიშნა მან.
"მე არ ვფიქრობ, რომ პუტინი ცუდი ადამიანია. ეს რთული სიტუაციაა, ეს ომი და ყველა კომპონენტი, რამაც გამოიწვია იგი", - თქვა უიტკოფმა.
