"დემოკრატიული მოძრაობა - ერთიან საქართველოს" მერის არჩევნებში საკუთარი კანდიდატი არ ეყოლება.
როგორც პარტიის ლიდერმა ნინო ბურჯანაძემ ჟურნალისტებს განუცხადა, ის არჩევნებში მხარს რომელიმე ოპოზიციონერ კანდიდატს დაუჭერს.
"ქართველი ხალხი არა მერის, არამედ საპრეზიდენტო არჩევნებს ითხოვდა. საერთოდ, მიმაჩნია, რომ საქართველოში არანაირი არჩევნების ჩატარებას არ აქვს აზრი, სანამ ქვეყნის სათავეში სააკაშვილი იქნება", - განაცხადა ბურჯანაძემ, რომელიც ამ ეტაპზე არ აკონკრეტებს თბილისის მერობის სამი ოპოზიციონერი კანდიდატიდან (ირაკლი ალასანია, კობა დავითაშვილი, ზვიად ძიძიგური) არჩვენებში რომელს მიემხრობა მისი პარტია.
აღნიშნულ კონტექსტში, ბურჯანაძემ კატეგორიულად უარყო პრესით გავრცელებული ინფორმაცია იმის თაობაზე, რომ "დემოკრატიული მოძრაობა - ერთიანი საქართველოს" თბილისის მერობის კანდიდატი, სავარაუდოდ, ბადრი ბიწაძე იქნება.