დიდი ბრიტანეთის პრემიერ მინისტრმა კირ სტარმერმა განაცხადა, რომ რუსეთის პრეზიდენტი ვლადიმირ პუტინი ადრე თუ გვიან იძულებული იქნება დაჯდეს მოლაპარაკების მაგიდასთან.
სტარმერმა ისაუბრა მსოფლიო ლიდერების შეხვედრის წინ, რომელზეც უკრაინაში დარეგულირების საკითხი განიხილება.
ბრიტანეთის პრემიერ-მინისტრმა თავის კოლეგებს განუცხადა, რომ გასულ კვირას იყო უამრავი მოვლენა, რომელიც მათ უნდა განიხილონ.
საუდის არაბეთში გამართულ აშშ-უკრაინის მოლაპარაკებაზე საუბრისას, სტარმერმა განაცხადა, რომ პრეზიდენტმა ვოლოდიმირ ზელენსკიმ აჩვენა, რომ „უკრაინა მშვიდობის მხარეზეა, რადგან მან 30-დღიანი უპირობო ცეცხლის შეწყვეტის ვალდებულება აიღო“.
ამავდროულად, მისი თქმით, პუტინი „დროის გაყვანას ცდილობს“.
სტარმერმა ხაზგასმით აღნიშნა, რომ თუ პიტინი "სერიოზულად არის განწყობილი, უნდა შეწყვიტოს ბარბაროსული თავდასხმები უკრაინაზე და დათანხმდეს ცეცხლის შეწყვეტას.
„ვფიქრობ, ადრე თუ გვიან მას მოუწევს მოლაპარაკებების მაგიდასთან დაჯდომა და სერიოზული დისკუსიების დაწყება, მაგრამ ჩვენ არ შეგვიძლია დავჯდეთ და უბრალოდ დაველოდოთ ამას.
ჩვენ უნდა გავაგრძელოთ წინსვლა და მოვემზადოთ მშვიდობისთვის - მშვიდობისთვის, რომელიც არის უსაფრთხო და ხანგრძლივი“, - აღნიშნა მან.
ეს ნიშნავს უკრაინის თავდაცვის გაძლიერებას, „მზადებას, რომ დავიცვათ ნებისმიერი შეთანხმება მსურველთა კოალიციასთან“ და გავაგრძელოთ „ზეწოლა პუტინზე, რათა მოლაპარაკებების მაგიდასთან მივიდეს“, - დასძინა ბრიტანეთის პრემიერმა.
