აშშ-ის პრეზიდენტმა დონალდ ტრამპმა უარყო, რომ სახელმწიფო მდივანი მარკო რუბიო თანამშრომლების გათავისუფლებასთან დაკავშირებით აშშ-ის მთავრობის ეფექტიანობის დეპარტამენტის ხელმძღვანელი მილიარდერ ილონ მასკს დაუპირისპირდა. იუწყება Associated Press
„არანაირი დაპირისპირება არ ყოფილა, მე იქ ვიყავი. ილონი შესანიშნავად ურთიერთობს მარკოსთან და ორივე შესანიშნავად მუშაობს. მათ შორის არანაირი კონფლიქტი არ არის" - განუცხადა ტრამპმა ჟურნალისტებს.
შეგახსენებთ, The New York Times-მა გაავრცელა ინფორმაცია, რომ ხუთშაბათს თეთრ სახლში დონალდ ტრამპის მთავრობის წევრებს შორის „ცხარე" შეხვედრა გაიმართა, სადაც მდივნები, მათ შორის სახელმწიფო მდივანი მარკო რუბიო, დაუპირისპირდნენ მილიარდერ ილონ მასკს თანამშრომლების გათავისუფლებისადმი მისი მიდგომის გამო.
