ბრიტანეთის პრემიერ-მინისტრმა კირ სტარმერმა უარყო ვარაუდი, რომ ბოლო მოვლენების შემდეგ ევროპის ქვეყნების კოალიცია და უკრაინა არ შეიძლება დაეყრდნონ შეერთებულ შტატებს. მისი აზრით, რეალურია, რომ ზელენსკისთან კამათის მიუხედავად, აშშ დაუბრუნდეს მოლაპარაკებებს.
ამის შესახებ მან ლონდონში უსაფრთხოების სამიტის დასრულების შემდეგ გამართულ პრესკონფერენციაზე განაცხადა.
სტარმერმა ხაზგასმით აღნიშნა, რომ ტრამპთან სატელეფონო საუბრის შემდეგ, ის დარწმუნებულია, რომუკრაინაში მშვიდობის უზრუნველყოფის მცდელობებში აშშ-ის ჩართვა შესაძლებელია.
პრემიერ-მინისტრმა ხაზგასმით აღნიშნა, რომ საუბრის დეტალებს ვერ ასაჯაროებს, მაგრამ წარმატების იმედი აქვს.
”მე არ წავიდოდი ამ გზაზე, დარწმუნებული რომ არ ვყოფილიყავი, რომ პოზიტიური შედეგი შესაძლებელი იქნებოდა, რაც იქნება იმის უზრუნველყოფა, რომ ჩვენ ერთად - უკრაინა, ევროპა და შეერთებული შტატები - შევძლებთ მდგრადი მშვიდობისკენ სვლას,” - თქვა სტარმერმა.
კირ სტარმერმა ასევე უარყო ჟურნალისტების ვარაუდი, რომ აშშ-ს არ შეიძლება დაეყრდნო ოვალურ კაბინეტში განვითარებული მოვლენების შემდეგ.
”მე არ ვეთანხმები იმ აზრს, რომ შეერთებული შტატები არასანდო პარტნიორია,” - თქვა მან სტარმერმა.
