პრეზიდენტმა ტრამპმა თავისი ქმედებებით ნათლად აჩვენა, რომ მხარს უჭერს უკრაინას - ამის შესახებ აშშ-ს კონგრესმენი, ჯო უილსონი X-ზე წერს.
„პრეზიდენტმა ტრამპმა თავისი ქმედებებით ნათლად აჩვენა, რომ მხარს უჭერს უკრაინას - მან განათავსა ამერიკული ჯარები პოლონეთში, გაუგზავნა ჯაველინები და დაბლოკა Nord Stream 2 რუსეთის სრულმასშტაბიანი შეჭრის დაწყებამდე.
ბაიდენმა მხარდაჭერა მხოლოდ სიტყვებით გამოხატა, ხოლო ბიუროკრატებმა უკრაინელ დამცველებს ხელები შეუკრეს, რის გამოც დაიღუპა კიდევ უფრო მეტი უდანაშაულო ადამიანი. სახელმწიფო მდივანმა რუბიომ სწორად აღნიშნა, რომ "რუსეთი არ აფასებს ადამიანურ სიცოცხლეს", რასაც მსოფლიოში რუსეთის მიერ ოკუპირებული თითოეული ადგილი ადასტურებს. მიაღწიეთ შეთანხმებას“, - წერს ჯო უილსონი.
