ოკუპირებულმა სამხრეთ ოსეთმა და ნიკარაგუის რესპუბლიკამ გააფორმეს "შეთანხმება" „დიპლომატიური, ოფიციალური, სამსახურებრივი და უცხოური პასპორტების მფლობელთათვის სავიზო ფორმალობებზე ორმხრივი უარის თქმის შესახებ“.
"ეხო კავკაზას" ცნობით, ოკუპირებული ცხინვალის რეგიონიდან „შეთანხმებას“ ხელი მოაწერა ე.წ. საგარეო საქმეთა მინისტრმა ახსარ ჯიოევმა, ნიკარაგუას კი „ელჩი სამხრეთ ოსეთში“ (რეზიდენცია მოსკოვში) ალბა ტორესი წარმოადგენდა.
2008 წელს ნიკარაგუა რუსეთის შემდეგ პირველი ქვეყანა გახდა, რომელმაც აღიარა აფხაზეთისა და სამხრეთ ოსეთის „დამოუკიდებლობა“. ღია წყაროების ინფორმაციის თანახმად, ოკუპირებული აფხაზეთისა და სამხრეთ ოსეთის ე.წ. პასპორტების მფლობელებს ნიკარაგუაში უვიზოდ 90 დღემდე დარჩენა შეუძლიათ.
