უკრაინის პრეზიდენტი ვოლოდიმირ ზელენსკი და მისი მეუღლე არაბთა გაერთიანებულ საამიროებში ჩავიდნენ.
„ოფიციალური ვიზიტი პირველ ლედისთან ერთად არაბეთის გაერთიანებულ საემიროებში.
პრიორიტეტულია, რომ რაც შეიძლება მეტი ადამიანი დაბრუნდეს ტყვეობიდან სახლში.
ასევე {საუბარი იქნება} ინვესტიციებზე და ეკონომიკურ პარტნიორობაზე. დიდი ჰუმანიტარული პროგრამა“, - აღნიშნა ზელენსკიმ.
14 თებერვალს ზელენსკიმ განაცხადა, რომ უახლოეს დღეებში ეწვევა არაბთა გაერთიანებულ საამიროებს, საუდის არაბეთსა და თურქეთს.
თუმცა, მან აღნიშნა, რომ იქ არ იქნება შეხვედრები რუსეთის ფედერაციისა და შეერთებული შტატების წარმომადგენლებთან.
„მე მაქვს ოფიციალური ვიზიტი საამიროებში ჩემს მეუღლესთან, პირველ ლედისთან ერთად, რადგან გვაქვს დიდი ჰუმანიტარული პროგრამა და პატიმრების გაცვლის საკითხი.
ამის შემდეგ მე ვეწვევი საუდის არაბეთს იგივე საკითხებით და განსხვავებული პარტნიორობით. ეს მოხდება ორ-სამ დღეში“, - განაცხადა ზელენსკიმ.
