საქართველოსQქალთა პარტია "სამართლიანობის და თანასწორობისათვის" დევნილების იძულებით გამოსახლებას გმობს.
ამის შესახებ პარტიამ დღეს, ოფიციალური განცხადება გავრცელა, რომელთა შეფასებითაც საქართველოს ხელისუფლებამ დევნილების მიმართ მორიგ ვანდალური და დანაშაულებრივი ქმედება განახორცილა, რომელიც დევნილთა ახალი ტალღის ძალადობრივი წესით გამოსახლებაში გამოიხატა.
"საქართველოს ხელისუფლება არ ასრულებს თავის პირდაპირ მოვალეობას დევნილობაში მყოფი თავისი მოქალაქეების ელემენტარული საარსებო უფლებების უზრუნველსაყოფად. ყველა საერთაშორისო ვალდებულებებით საქართველოს ხელისუფლებამ უნდა უზრუნველყოს დევნილი არა მარტო ჭერით, არამედ ძირითადი საარსებო საშუალებებითაც, რაც გულისხმობს მათთვის დასაქმების პირობების შექმნას. ხელისუფლება ურცხვად აცხადებს, რომ დევნილებისთვის გამოყოფილია საცხოვრებელი ფართი სამეგრელოს და კახეთის ისეთ სოფლებში, რომლებიც ადგილობრივ მოსახლეობასაც კი მიტოვებული აქვს, რადგან იქ არ არსებობს თავის რჩენის არანაირი პირობები. იქ ცხოვრება დევნილებს უქადის თანდათანობით შიმშილით სიკვდილს. Aამიტომ სრულიად სამართლიანია პროტესტი ამ გასახლებებისადმი", - ნათქვამია განცხადებაში.
მათივე შეფასებით, ხელისუფლებისთვის მოწოდებას აზრი აღარ აქვს, ამიტომ ქალთა პარტია მოუწოდებს, როგორც დევნილებს, ასევე საქართველოს დანარჩენ მოსახლეობას, გვერდით დაუდგეს დევნილთა პროტესტს, სანამ ხელისუფლება არ იქნება იძულებული შეწყვიტოს თავისივე დანაშაულებრივი ქმედებების გამო საკუთარი მოსახლეობის ხელახალი დევნა.
