ბელორუსის პრეზიდენტ ალექსანდრე ლუკაშენკოს ინაუგურაციაზე საქართველო დიპლომატის დონეზე იქნება წარმოდგენილი. როგორც "ჯი-ეიჩ-ენს" საქართველოს საგარეო უწყებაში განუცხადეს, ინაუგურაციას ბელორუსში ქვეყნის საგანგებო და სრულუფლებიანი ელჩი გიორგი ჩხეიძე დაესწრება.
შეგახსენებთ, რომ ალექსანდრე ლუკაშენკოს ინაუგურაცია დღეს იმართება. მას არც ერთი ქვეყნის პირველი პირი არ ესწრება. ამასთან, მასზე არ იქნება წარმოდგენილი არც ევროკავშირის წევრი სახელმწიფოები. ცერემონიას მხოლოდ 32 ქვეყნის დიპლომატიური მისიების ხელმძღვანელები დაესწრება, რომელთა შორის ერთ-ერთი საქართველო იქნება.
როგორც ცნობილია, საპრეზიდენტო არჩევნები ბელორუსში 19 დეკემბერს ჩატარდა. ქვეყნის ცენტრალური საარჩევნო კომისიის მონაცემებით, არჩევნებში ბელორუსის მოქმედმა პრეზიდენტმა ალექსანდრე ლუკაშენკომ გაიმარჯვა.
