საქართველოს დეოკუპაციისა და რუსეთის მიერ შეუსრულებელი ვალდებულებების შესახებ იმსჯელებენ დღეს ევროსაბჭოში. სტრასბურგში საპარლამენტო ასამბლეის ზამთრის სესია იხსნება.
საქართველოს დელეგაცია იქ დღეს საღამოს მიემგზავრება. პარლამენტის ევროპასთან ინტეგრაციის კომიტეტის თავმჯდომარე საპარლამენტო სესიაზე სპეციალური მოხსენებით 26 იანვარს წარდგება. დავით დარჩიაშვილი ქართველი მიგრანტების დაცვაზეც ისაუბრებს. სტრასბურგში ევროსაბჭოს ასამბლეის ზამთრის სესია 24 იანვარს გაიხსნება.
"არის ცნობილი წესი -39-ე რომელიც გულისხმობს რიგ შემთხვევებში მთავრობებისათვის შემდგომი მოქმედებების შეჩერების მოთხოვნას კონკრეტული ადამიანების მიმართ, რის შედეგადაც შესაძლოა ამ ადამიანების ძირეული უფლებები შეიძლება იქნას საფრთხის ქვეშ დაყენებული. ეს ყველაზე უფრო ხშირად ეხება ხოლმე თავშესაფრის მაძიებლებს", _ აცხადებს დავით დარჩიაშვილი.