გადაჭედილი რუსთაველი და ცარიელი პოტიომკინის საახალწლო სოფელი კიდევ ერთი დასტურია იმისა, რომ ქართველმა ხალხმა ეს ბრძოლა უკვე მოიგო, - ამის შესახებ სოციალურ ქსელში მომღერალი მებო ნუცუბიძე წერს.
"გადაჭედილი რუსთაველი და ცარიელი პოტიომკინის საახალწლო სოფელი კიდევ ერთი დასტურია იმისა, რომ ქართველმა ხალხმა ეს ბრძოლა უკვე მოიგო.
რაც არ უნდა დაგვყონ, დაგვაპირისპირონ და დაგვაშორონ ერთმანეთს, ფაქტია, რომ საერთო უფრო მეტი გვაქვს და ეს სახალხო მარშებიც ზუსტად ამას ამტკიცებს: ზოგს მშობლიური კუთხე გვაერთიანებს, ზოგს პროფესია, ზოგს პოლიტიკური იდეოლოგია, ზოგს ჰობი, ზოგს - სპორტის სახეობა თუ საყვარელი გუნდი.
და ყველას ერთად - ჩვენი სამშობლო.
ჩვენი საქართველო", - წერს მომღერალი მებო ნუცუბიძე.
