აზრზე არ ხართ რა სულისკვეთებით ვართ შეკრული ქართული ოცნების ჯარისკაცები, ვერ წარმოიდგენთ, როგორ გვინდა რამე ისეთი ჩაიდინოთ, საბაბი მოგვცეთ თქვენთან მოახლოების - ამის შესახებ „ქართული ოცნების“ დეპუტატი დიმიტრი სამხარაძე სოციალურ ქსელში წერს.
„გუშინ ჩემი ოჯახი რუსთაველზე იყო, ნაძვის ხესთან, თქვენს დაზომბებულ შპინგალეტებთან, ჩემი არასრულწლოვანი შვილი, რომლის მოკვლითაც მემუქრებოდით. მანდ იყო თქვენს გარემოცვაში, უშიშრად იდგა და 9 წლის ბავშვი დაგცინოდათ მისი იქ ყოფნით! ყველამ იცნო ჩემი მეუღლეც და შვილიც.
დაბნეულები, შეშინებულები უყურებდნენ, ვერ გაერკვნენ რა ექნათ, ლიბერალური ფაშიზმი გამოევლინათ თუ არა! ისე რომ იცოდეთ მომავლისთვის, ერთი თმის ღერი რომ ჩამოუვარდეს ჩემი ოჯახის წევრს, სათითაოდ მოგაკითხავთ სახლებში, მერე რომ არ დაიწყოთ კანკალი და არიქა სამხარაძე გვემუქრებაო, ლიდერებზე ვსაუბრობ, დიახ, მოგაკითხავთ სახლში და მოგექცევით ისე, როგორც თქვენ ჩვენი ოჯახის წევრებს ექცევით! ჩამოშლილები ვართ ხომ? აზრზე არ ხართ რა სულისკვეთებით ვართ შეკრული ქართული ოცნების ჯარისკაცები, ვერ წარმოიდგენთ, როგორ გვინდა რამე ისეთი ჩაიდინოთ, საბაბი მოგვცეთ თქვენთან მოახლოების, ისე რომ იცოდეთ ძალიან ახლოს ვართ ზემოთ მუქარაზე ვწერდი, ხომ არ გგონიათ გაგიტარებთ? ჩემი ცხოვრების მთავარ მიზნად გადამიქციეთ კონკრეტული პიროვნების პოვნა, ვინც უშუალოდ მწერდა! დამკვეთები ისედაც ვიცი და კარგ სურპრიზს ვუმზადებ გრძელვადიან პერსპექტივაში!“ - წერს დიმიტრი სამხარაძე.
