ბრიტანული გამოცემა, Guardian აღარ განათავსებს პოსტებს ილონ მასკის სოციალური მედიის პლატფორმა X-ზე.
„დიდი ხანია, ჩვენ ამაზე ვფიქრობდით, აღნიშნულ პლატფორმაზე შემაშფოთებელი კონტენტის, მათ შორის ულტრამემარჯვენე შეთქმულების თეორიებისა და რასიზმის პოპულარიზაციისა და არსებობის გამო“, – ნათქვამია გამოცემის მიერ გავრცელებულ განცხადებაში.
„აშშ-ის პრეზიდენტის საარჩევნო კამპანიამ მხოლოდ ხაზი გაუსვა იმას, რაზეც დიდი ხანია, ვფიქრობდით, რომ X არის ტოქსიკური მედიაპლატფორმა და მისი მფლობელი ილონ მასკი იყენებს თავის გავლენას პოლიტიკური დისკურსის ფორმირებისთვის“, – წერია Guardian განცხადებაში.
