აშშ-ის პრეზიდენტმა, ჯო ბაიდენმა ამერიკელებს მიმართა არჩევნებში რესპუბლიკელი დონალდ ტრამპის პრეზიდენტად არჩევასთან დაკავშირებით.
ბაიდენმა განაცხადა, რომ მიულოცა ტრამპს არჩევნებში გამარჯვება და აღნიშნა, რომ ხელისუფლების მშვიდობიანად და კანონის შესაბამისად გადაცემა, რომელიც 20 იანვარს მოხდება, დემოკრატიის საფუძველს წარმოადგენს.
"ჩვენ ვიღებთ არჩევანს, რომელიც ქვეყანამ გააკეთა. არ შეიძლება მხოლოდ მაშინ გიყვარდეს შენი ქვეყანა, როცა შენ იმარჯვებ, არ შეიძლება მხოლოდ მაშინ გიყვარდეს მოყვასი, როცა მას ეთანხმები", - თქვა ბაიდენმა.
პრეზიდენტის თქმით, ამერიკული საარჩევნო სისტემა პატიოსანი, სამართლიანი და გამჭვირვალეა, მისი ნდობა შეიძლება. "წარუმატებლობები გარდაუვალია, მაგრამ დანებება უპატიებელია", - თქვა ბაიდენმა.
"მე ვიცი, რომ ზოგიერთი ადამიანისთვის ეს არის გამარჯვების დრო, სხვებისთვის კი – მარცხის დრო. კამპანია არის კონკურენტული ხედვების შეჯიბრი. ქვეყანა ირჩევს ან ერთს, ან მეორეს. ჩვენ კი ვიღებთ იმ არჩევანს, რომელსაც ქვეყანა აკეთებს. მე ბევრჯერ მითქვამს, რომ არ შეიძლება გიყვარდეს ქვეყანა მხოლოდ მაშინ, როდესაც იმარჯვებ; არ შეიძლება, გიყვარდეს შენი მოყვასი მხოლოდ მაშინ, როდესაც ეთანხმები. ვფიქრობ, რაც შეიძლება გააკეთოთ, იმის მიუხედავად თუ ვის მიეცით ხმა, არის ის, რომ დაინახოთ ერთმანეთში არა მეტოქეები, არამედ თანამემამულე ამერიკელები, ცოტა დავცხრეთ. ასევე, ვიმედოვნებ, რომ ჩვენ შეგვიძლია, დავასრულოთ საკითხი ამერიკული საარჩევნო სისტემის სამართლიანობასთან დაკავშირებით. ის არის პატიოსანი, სამართლიანი და გამჭვირვალე. მისი ნდობა შეიძლება, განურჩევლად იმისა, დამარცხდი თუ გაიმარჯვე. ასევე, ჩვენ უნდა აღვადგინოთ პატივისცემა საარჩევნო ადმინისტრაციის ყველა თანამშრომლის მიმართ. ჩვენ მათ მადლობა უნდა გადავუხადოთ. მადლობა გადავუხადოთ საარჩევნო უბნებზე მუშაობისთვის, ხმების დათვლისთვის, არჩევნების სამართლიანობის დაცვისთვის. ბევრი მათგანი მოხალისეა, რომელიც ამ საქმეს მხოლოდ ქვეყნის სიყვარულის გამო აკეთებდა. მათ შეასრულეს საკუთარი მოქალაქეობრივი ვალდებულებები. მე შევასრლებ ჩემს ვალდებულებას, როგორც პრეზიდენტი. მე შევასრულებ ჩემს ფიცს. მე პატივს ვცემ კონსტიტუციას. 20 იანვარს ჩვენ გვექნება ამერიკაში ძალაუფლების მშვიდობიანი გადაბარება". - თქვა აშშ-ის პრეზიდენტმა.
