ირანმა, შესაძლოა, გაზარდოს ისრაელის წინააღმდეგ საპასუხო დარტყმის მასშტაბები, რომლის დროსაც ამჯერად რეგულარული არმია ჩაერთვება.
ამის შესახებ The Wall Street Journal (WSJ) წყაროებზე დაყრდნობით იტყობინება.
გამოცემამ აღნიშნა, რომ თეირანმა მიიღო გადაწყვეტილება ჩართოს არა მხოლოდ ისლამური რევოლუციის გვარდიის კორპუსი, არამედ რეგულარული არმია ისრაელის ბოლო დარტყმების გათვალისწინებით, რამაც გამოიწვია მსხვერპლი ირანელ სამხედროებსა და სამოქალაქო პირებს შორის.
ამასთან, გამოცემა განმარტავს, რომ ირანი არ შეეცდება რეგიონში ჯარების განთავსებას.
მანამდე ირანის უზენაესმა ლიდერმა აიათოლა ალი ხამენეიმ პირობა დადო, რომ შეერთებული შტატები და ისრაელი ისლამური რესპუბლიკის ტერიტორიაზე თავდასხმის საპასუხოდ სერიოზულ დარტყმას მიიღებენ.
აიათოლამ თქვა, რომ ეს ორი სახელმწიფო მრავალი წლის განმავლობაში ამცირებდა ირანელ ხალხს, რომელიც ახლა აპირებს შეცვალოს სიტუაცია და დაამხოს „კრიმინალური ჯგუფი, რომელიც აკონტროლებს თანამედროვე მსოფლიო წესრიგს“.
