თურქეთის საგარეო საქმეთა მინისტრი ჰაკან ფიდანი შესაძლებლად მიიჩნევს, რომ მომავალ წელს უკრაინის ფრონტზე "ახალი ვითარება" შეიქმნება ომში ორივე მხარის დაღლილობის გამო.
ფიდანის თქმით, რუსეთსა და უკრაინას შორის საერთო ენის გამონახვა გრძელდება, თუმცა აღნიშნა, რომ არცერთ მხარეს არ სურს დამარცხება.
მან აღნიშნა, რომ ომის სამართლიანი გადაწყვეტა უკრაინის ტერიტორიული მთლიანობის ფარგლებში უნდა მოიძებნოს.
ფიდანმა დასძინა, რომ თურქეთს "განსაკუთრებული ურთიერთობა აქვს ორივე მხარესთან" და ორივეს მოუსმენს.
„ჩვენ განსაკუთრებული ურთიერთობები გვაქვს ორივე მხარესთან. ჩვენ ორივე მხარეს ვუსმენთ, თუმცა მეგობარი ყოველთვის მწარე სიმართლეს ამბობს და სწორედ ამას ვაკეთებთ ჩვენ. ომის სამართლიანი გადაწყვეტა უკრაინის ტერიტორიული მთლიანობის ფარგლებში უნდა მოიძებნოს. ორივე მხარის დაღლილობამ, შესაძლოა, 2025 წელს ახალი ვითარება შექმნას. ვნახოთ, როგორი იქნება სიტუაცია“, – განაცხადა ფიდანმა.
