გამოცემა Bloomberg-ის ინფორმაციით, თურქეთი ე.წ. უცხოური გავლენის აგენტების კანონის მიღებას გეგმავს. გამოცემის ცნობით, კანონპროექტი მიზნად ისახავს, აღკვეთოს იმ პირთა ქმედებები, რომლებიც, უცხოური ქვეყნის ან ორგანიზაციის გავლენით, სახელმწიფოს უსაფრთხოების ან შიდა თუ გარე პოლიტიკური ინტერესების საწინააღმდეგოდ მოქმედებენ.
„იგი მსგავსია საქართველოში მიღებული უცხოური აგენტების შესახებ კანონისა, რომელმაც დასავლური სახელმწიფოების კრიტიკა და ქვეყანაში მასობრივი პროტესტების დაწყება გამოიწვია. რუსეთს კრიტიკის ჩასახშობად მსგავსი მექანიზმი აქვს" “, – წერს Bloomberg-ი
გამოცემის ცნობით, თურქეთში მომზადებული კანონპროექტის თანახმად, კანონის დამრღვევებს, შესაძლოა, შვიდ წლამდე პატიმრობა მიესაჯოთ.
ამასთან, Bloomberg-ი აღნიშნავს, რომ თურქეთში შეშფოთებას გამოთქვამენ კანონპროექტში ბუნდოვანი ჩანაწერებისა და ფართო ინტერპრეტაციის შესაძლებლობის გამო და ფიქრობენ რომ ხელისუფლებას შეეძლება, კანონი ნებისმიერი კრიტიკული აზრის ჩასახშობად გამოიყენოს.
