"დიდად სასიამოვნოა ამ ქალაქში ყოფნა თუმცა აქ ისეთი სამწუხარო მიზეზის გამო ვიმყოფები, როგორიცაა რიჩარდ ჰოლბრუკის ხსოვნისადმი მიძღვნილი ღონისძიება. რიჩარდ ჰოლბრუკი ჩემი მრჩეველი იყო. მრავალი წლის განმავლობაში აღფრთოვანებული ვიყავი მისი პიროვნებითა და ნიჭით.

ჩემთვის სასიამოვნოა მიმართო ასეთ განსხვავებულ და ინტელექტუალურ აუდიტორიას. რა თქმა უნდა როდესაც ვლაპარაკობთ იმ წარმატებებზე რომლებსაც ამერიკის დახმარებით მივაღწიეთ მინდა ავღნიშნო ის მდგომარეობა რომელშიც საქართველო ამჟამად იმყოფება", _ განაცხადა სააკაშვილმა და დასძინა, რომ დამსწრე საზოგადოებას ესმის იმ გამოწვევებისა და პრობლემების შესახებ რომელიც საქართველოს წინაშე დგას და რომელიც სტრატეგიულად ძალიან მნიშვნელოვან ადგილას მდებარეობს.

"გუშინ ვესაუბრე კონგრესის შედარებით ახალ წევრს, რომლისთვისაც არსებული ვითარების ყველა დეტალი ცნობილი არ იყო. იგი შემეკითხა და მე ავუხსენი, რომ ქვეყნის ტერიტორიის 20 % და სანაპირო ზოლის 2/3 ოკუპირებულია. ჩვენს დედაქალაქთან ახლოს განლაგებულია ჩვენზე დამიზნებული საარტილერიო სისტემა", _ აცხადებს სააკაშვილი და აღნიშნავს - "ჩვენს საზღვრებს ჩვენს მთავრობას შემოჭრილი მტერი ოფიციალურად არ აღიარებს და სურს, რომ ხელისუფლებიდან წავიდეთ. ისინი არც ცეცხლის შეწყვეტის შესახებ ხელშეკრულებას აღიარებენ, რომელსაც ხელი მოაწერეს.

მან შემომხედა და მკითხა, როგორ მოხდა, რომ გადარჩით, არსებობთ და აქ ხართ? იგი ძალზე გაკვირვებული იყო, რომ ქვეყანა ფიზიკურად ჯერ კიდევ არსებობს".