"ირანთან საქართველო ფარულ ურთიერთობებს არ აწარმოებს", - ამის შესახებ ჟურნალისტებს რეინტეგრაციის საკითხებში სახელმწიფო მინისტრმა ეკა ტყეშელაშვილმა განუცხადა.
მისი განცხადებით, აღნიშნულიდან გამომდინარე საქართველო-ირანის დაახლოება და დიპლომატიური ურთიერთობები ამერიკის შეერთებული შტატების გაღიზიანებას არ გამოიწვევს.
"შეერთებულ შტატებთან ურთიერთობის კუთხით რაიმე საფრთხე არ არსებობს და ამას არც ველოდებით", - დასძინა სახელმწიფო მინისტრმა.
შეგახსენებთ, რომ 26 იანვრიდან საქართველოსა და ირანს შორის უვიზო მიმოსვლის რეჟიმი ამოქმედდება.