"სახალხო კრება" რაიონული კომიტეტების დაფუძნებას განაგრძობს. კრება ამჯერად კომიტეტებს დუშეთსა და მცხეთაში დააფუძნებს.
ამ მიზნით "სახალხო კრების" ლიდერებს ამ წუთებში დუშეთში ელოდებიან.
შეგახსენებთ, რომ კრების რაიონული კომიტეტების დაფუძვნება 6 იანვარს, თელავიდან დაიწყო. კრების აღმასრულებელი საბჭოს წევრების განცხადებით, ეს პროცესი ყოველკვირეულ რეჟიმში გაგრძელდება. 11 იანვარს "სახალხო კრების" მორიგი რაიონული კომიტეტი რუსთავში ამოქმედდა.
აღსანიშნავია, რომ 20 იანვარს "სახალხო კრება" თბილისში მასშტაბური ღონისძიების გამართვას გეგმავს, რომელზეც ყველა რაიონის კომიტეტის წარდგენა განხორციელდება.
"სახალხო კრების" რაიონული კომიტეტები საქართველოს მოსახლეობას საყოველთაო დაუმორჩილებლობისთვის მოამზადებენ.
