საქართველოს პრეზიდენტი მიხეილ სააკაშვილი ვაშინგტონში გაემგზავრა.
პრეზიდენტის პრესსპიკერის მანანა მანჯგალაძის განცხადებით, ქვეყნის პირველი პირი ამერიკელი დიპლომატის რიჩარდ ჰოლბრუკის ხსოვნისადმი მიძღვნილ ღონისძიებაში მიიღებს მონაწილეობას.
აღნიშნულის გარდა, დაგეგმილია მიხეილ სააკაშვილის შეხვედრა ამერიკის შეერთებული შტატების პოლიტიკური წრეების წარმომადგენლებთანაც.
შეგახსენებთ, რომ ეს ამ წელს მიხეილ სააკაშვილის პირველი სამუშაო ვიზიტია.
