მედიის მიერ გამოქვეყნებული პროგნოზის თანახმად, ევროპარლამენტის არჩევნებში, რომელიც დღეს დასრულდა, იმარჯვებს "ევროპის სახალხო პარტია" (EPP), რომელიც ევროპარლამენტის ყველაზე დიდი ჯგუფია.
შედეგების პროგნოზს გერმანული ტელეარხები ARD და ZDF აქვეყნებს.
EPP, რომელსაც ამჟამინდელ პარლამენტში ყველაზე დიდი ფრაქცია აქვს, ახალი მოწვევის ვეროპარლამენტში 720 ადგილიდან 181-ს მიიღებს. ურსულა ფონ დერ ლაიენი ევროკომისიის პრეზიდენტობის კანდიდატია ევროპის სახალხო პარტიიდან.
სიდიდით მეორე ფრაქცია, პროგნოზების მიხედვით, რჩება სოციალისტებისა და დემოკრატების პროგრესული ალიანსი, რომელსაც შეუძლია მოიპოვოს დაახლოებით 135 ადგილი.
მათ მოჰყვება ლიბერალების გაერთიანება "განაახლეთ ევროპა", რომელსაც შეუძლია პარლამენტში 81-დან 87-მდე დეპუტატისაგან შემდგარი ჯგუფის იმედი ჰქონდეს.
ევროპელ კონსერვატორებსა და რეფორმისტებს შეუძლიათ მიიღონ 71 ადგილი, ხოლო მემარჯვენე ნაციონალისტების ასოციაციამ „იდენტობა და დემოკრატია“ - 62 ადგილი.
მაგრამ მწვანეთა/ევროპის თავისუფალი ალიანსი, პროგნოზების მიხედვით, მნიშვნელოვნად დაკარგავს წარმომადგენლობას ევროპარლამენტში და მოიპოვებს 60-ზე ნაკლებ ადგილს.
საერთო ჯამში, წინასწარი მაჩვენებლების მიხედვით, მემარჯვენე პარტიებს, სავარაუდოდ, ექნებათ საუკეთესო შედეგები 2019 წლის წინა არჩევნებთან შედარებით.
გერმანიაში ევროპარლამენტის არჩევნებში პროგნოზის თანახმად, მნიშვნელოვანი უპირატესობით გაიმარჯვებს ოპოზიციურ ბლოკი ქრისტიან-დემოკრატიული კავშირი და ქრისტიან-სოციალური კავშირი, მათ ეგზიტპოლების მიხედვით, ხმების 29,5% მოიპოვეს.
კანცლერ ოლაფ შოლცის პარტია მხოლოდ მესამეა ულტრამემარჯვენეების შემდეგ.
