აშშ-ის პრეზიდენტმა ჯო ბაიდენმა განაცხადა, რომ უკრაინა მას შემდეგ, რაც მას რუსეთის ტერიტორიაზე შეზღუდული იერიშების უფლება მიეცა, არ გამოიყენებს ამერიკულ იარაღს მოსკოვისა და კრემლის წინააღმდეგ. ამის შესახებ ბაიდენმა ABC News-თან ინტერვიუში განაცხადა.
ბაიდენს ჰკითხეს, იყო თუ არა ამერიკული იარაღი უკვე გამოყენებული რუსეთის ტერიტორიაზე იერიშების დროსმას შემდეგ, რაც ბაიდენმა ოკუპირებული ხარკოვის რეგიონის მახლობლად მისი შეზღუდულად გამოყენების ნებართვა გასცა.
პრეზიდენტს კონკრეტული პასუხი არ გაუცია, თუმცა განმარტა, რომ ეს იარაღი არ გამოიყენებოდა რუსეთის დედაქალაქზე ან მთავრობის ადმინისტრაციაზე თავდასხმისთვის.
„ჩვენ არ ვაძლევთ უფლებას {უკრაინას} დარტყმები განახორციელოს 200 მილის სიღრმეში რუსეთში და არ ვაძლევთ უფლებას იერიში მიიტანოს მოსკოვზე და კრემლზე“, - აღნიშნა ბაიდენმა.
ჟურნალისტმა ჰკითხა პრეზიდენტს, შეშფოთებულია თუ არა ვლადიმირ პუტინის განცხადებით, რომ უკრაინისთვის შორ მანძილზე მოქმედი იარაღის მიწოდება რუსეთის ტერიტორიაზე თავდასხმებისთვის არის პირდაპირი მონაწილეობა ამ ომში".
„მას 40 წელზე მეტია ვიცნობ. ის არ არის წესიერი ადამიანი. ის დიქტატორია და ამ შეტევის შეჩერების გარეშე უნდა იბრძოლოს თავისი ქვეყნის გადასარჩენად.
ჩვენ არ ვსაუბრობთ მათთვის {უკრაინელებისთვის} იარაღის მიწოდებაზე მოსკოვზე, კრემლზე დასარტყმელად... მხოლოდ საზღვრის გასწვრივ, საიდანაც ისინი იღებენ დარტყმებს ჩვეულებრივი იარაღიდან, რომელსაც რუსები იყენებენ უკრაინაში შესაღწევად დაუკრაინელების დასახოცად, - განაცხადა ბაიდენმა.
ბაიდენი საფრანგეთში იმყოფება ნრმანდიაში დესანტის გადასხმის 80 წლისთავის აღსანიშნავ ღონისძიებაზე დასასწრებად. ბაიდენი გეგმავს შეხვდეს უკრაინის პრეზიდენტ ვოლოდიმირ ზელენსკის, რათა განიხილონ სამხედრო დახმარება.
