მოლდოვის გენერალური შტაბის ყოფილი უფროსი იგორ გორგანი რეგულარულად გადასცემდა საიდუმლო ინფორმაციას რუსეთის სამხედრო დაზვერვას, კერძოდ, მის ქვეყანაში არსებული პოლიტიკური ვითარების შესახებ, აგრეთვე უკრაინის თავდაცვის სამინისტროს წარმომადგენლების ვიზიტების მონაცემებს, რომლებმაც სამხედრო ტექნიკა და ჭურვები შეისყიდეს უკრაინის შეიარაღებული ძალებისთვის.
ინფორმაციას ავრცელებს გამოცემა The Insider-ი, რომელმაც მოლდოვურ გამოცემა "პატარა ქვეყანასთან" თანამშრომლობით, მიიღეს წვდომა გორგანის მიმოწერაზე მის "კურატორთან" რუსეთის შეიარაღებული ძალების გენერალური შტაბის მთავარ დირექტორატში (ასევე ცნობილი, როგორც "გრუ" - მთავარი სადაზვერვო დირექტორატი) ალექსეი მაკაროვთან.
იგორ გორგანი გენერალური შტაბის უფროსის თანამდებობიდან 2021 წლის ბოლოს გაათავისუფლეს, მას შემდეგ რაც მაია სანდუ მოლდოვის პრეზიდენტად აირჩიეს.
The Insider-ის ცნობით, მოლდოვის თავდაცვის სამინისტროში, ისევე როგორც სხვა თანამდებობის პირებს შორის, დარჩა მრავალი მისი "პროტეჟე", რომლებიც გორაგანს საიდუმლო ინფორმაციას აწვდიდნენ
Insider ვარაუდობს, რომ იგორ გორგანმა და ალექსეი მაკაროვმა აქტიური ურთიერთობა დაიწყეს 2004 წელს, როდესაც გორგანი ნატოში მოლდოვის მისიაში მსახურობდა. მასზე "მფარველობა" მაკაროვს 2019 წელს გადაეცა და მათი კომუნიკაცია განსაკუთრებით გააქტიურდა 2022 წლის აპრილში, უკრაინაში რუსეთის სრულმასშტაბიანი შეჭრის დაწყების შემდეგ.
გარკვეული პერიოდის განმავლობაში გორგანს მეთვალყურეობდა სამხედრო ატაშე, იგორ დოვბნია. დოვბნია მოლდოვიდან 2017 წელს გააძევეს ჯაშუშური საქმიანობისთვის, წერს The Insider. ახლა ის ხელმძღვანელობს რუსეთის სამხედრო ატაშეების აპარატს ყირგიზეთში.
როგორც გამოცემა აღნიშნავს, მაკაროვთან მიმოწერისას გორგანმა არაერთხელ განაცხადა, რომ მის ქვეყანაში "ყველაფერი მზად არის რუსული ჯარების შესვლისთვის" და მოლდოვას "სასწრაფოდ სჭირდება ქვეყნის გაწმენდა".
2023 წლის ივლისში რუსი დიპლომატების მასობრივ გაძევებამდე ცოტა ხნით ადრე, იგორ გორგანმა შეწყვიტა მაკაროვთან ურთიერთობა და სამსახური მიიღო კიშინიოვში გაეროს ლტოლვილთა ოფისში (UNHCR-მოლდოვა).
