ბულგარეთის პრეზიდენტი რუმენ რადევი აკრიტიკებს ნატო-ს იმის გამო, რომ უკრაინას დასავლური იარაღით რუსეთის ტერიტორიაზე დარტყმის უფლებას აძლევს. მისი აზრით, ეს გამოიწვევს ესკალაციას და ბირთვულ არმაგედონს.
„რუსეთის სიღრმეში დასავლური იარაღით დარტყმის დაშვების გადაწყვეტილებით და ფრონტის ხაზთან მრჩევლებისა და ინსტრუქტორების გაგზავნით, ეს წითელი ხაზები უკვე დაირღვა და, სამწუხაროდ, ჩვენი პოლიტიკოსები ხდებიან ზოგიერთი ამ შეუსაბამო გადაწყვეტილების ნაწილი“, - განაცხადა მან ბულგარეთის პრეზიდენტმა.
უკრაინაში რუსეთის შეჭრის დაწყებიდანვე, რადევი ამბობს, რომ უკრაინის დახმარებით ბულგარეთი ომში ერთვება.
რადევმა ცოტა ხნის წინ განაცხადა, რომ ნატო-ს ყველა წევრი ქვეყანა "ასე თუ ისე" მონაწილეობს უკრაინის ომში. მან ასევე "შეუძლებელი" უწოდა უკრაინის გამარჯვებას რუსეთზე.
დეკემბერში ბულგარეთის პრეზიდენტმა ვეტო დაადო პარლამენტის მიერ მიღებულ კანონპროექტს უკრაინასთან შეთანხმების რატიფიცირების შესახებ კიევისთვის ჯავშანტექნიკის მიწოდებასთან დაკავშირებით, თუმცა, პარლამენტმა ვეტო დაძლია.
