ევროპული საქართველოს ერთ-ერთი ლიდერი, გიგი წერეთელი, ეხმიანება საქართველოს მთავრობის გადაწვეტილებას, რომლის მიხედვითაც ანაკლიის პორტის ინვესტორი ჩინურ- სინგაპურული კონსორციუმი იქნება.
გიგი წერეთელის აცხადებს, რომ ქართული ოცნების ეს ნაბიჯი კიდევ ერთხელ გვაჩვენებს და ადასტურებს, რომ თავის დროზე იყო მიღებული პოლიტიკური გადაწყვეტილება და პირადი ინტერესებით ნაკარნახევი.
წერეთელი აღნიშნავს, რომ ქართული ოცნების გადაწყვეტილება გეოპოლიტიკურიც არის - დასავლურ მხარეს, ამერიკულ კონსორციუმს უარი ეთქვა, ის ჩამოაშორეს ანაკლიის პროექტს და დღეს, ამდენი დავის, მსჯელობის, დაპირებების შემდეგ გამოცხადდა, რომ ჩინური კომპანია არის გამარჯვებული.
"არავინაა ჩინეთთან ჯანსაღი ეკონომიკური თანამშრომლობის მოწინააღმდეგე, მაგრამ ჩინეთის ეკონომიკური ექსპანსიის წინააღდმეგია დასავლეთი და დღეს ერთ-ერთ საფრთხედ არის გამოცხადებული. ასეთ ვითარებაში, საქართველოს ხელისუფლება კიდევ ერთ, ამგვარ გეოპოლიტიკურ ნაბიჯს დგამს, უარს ეუბნება დასავლეთს და გზას უხსნის ჩინეთს".- აცხადებს გიგი წერეთელი.
