გამოცემა Financial Times-ის ცნობით, რუსული კანონის მიღების გამო ოთხი ევროპული ქვეყანა - ესტონეთი, ჩეხეთი, შვედეთი და ნიდერლანდები ევროკავშირის საგარეო საქმეთა მინისტრებს საქართველოსთვის შემაკავებელი ზომების მიღებას შესთავაზებს. როგორც ცნობილია, განიხილება ევროკავშირში უვიზო მიმოსვლის შეჩერებაც.
„საქართველომ, ევროკავშირის კანდიდატმა ქვეყანამ, უგულებელყო გაფრთხილებები ბრიუსელიდან და რამდენიმე თვიანი ქუჩის პროტესტები და გააგრძელა რუსეთში მოქმედი კანონის მსგავსი საკამათო კანონი, რომელიც უცხოური დაფინანსების მიმღებ მედიებსა და უფლებადამცველ ჯგუფებს მთავრობასთან რეგისტრირებას ავალდებულებს”, – აღნიშნულია სტატიაში.
გამოცემის ცნობით, ევროკავშირის ოფიციალური პირები აცხადებენ, რომ ამოქმედების შემთხვევაში "უცხოური აგენტების" კანონი წარმოადგენს მნიშვნელოვან დაბრკოლებას საქართველოს გაწევრიანების პროცესში, რაც ამძაფრებს შეშფოთებას, რომ ქვეყანა სულ უფრო სწრაფად მიიწევს რუსეთის ორბიტისკენ.
ფოტო: რადიო თავისუფლება
