სომხეთის პრემიერ-მინისტრმა ნიკოლ ფაშინიანმა განაცხადა, რომ ქვეყანამ შესაძლოა გადახედოს კოლექტიური უსაფრთხოების ხელშეკრულების ორგანიზაციაში წევრობას. ამის შესახებ მან გამოცემა The Telegraph-ს განუცხდა.
„სომხეთში არის გარკვეული დისკუსიები იმის შესახებ, შეესაბამება თუ არა ალიანსზე დაფუძნებული სტრატეგია ქვეყნის გრძელვადიან ინტერესებს“, - აღნიშნა ფაშინიანმა.
ამასთან, მისი თქმით, სომხეთის ნატო-ში გაწევრიანების საკითხის განხილვა არ იგეგმება.
ფაშინიანმა მანამდეც მიანიშნა, რომ განიხილავს სომხეთის კოლექტიური უსაფრთხოების ხელშეკრულების ორგანიზაციიდან გასვლას, თუ აღმოჩნდება, რომ ორგანიზაციის წევრობა აღარ შეესაბამება ქვეყნის ინტერესებს.
