ირაკლი ეძგვერაძეს და სხვა ადამიანებს, რომლებსაც ექნებათ წამყვანი თანამდებობა თბილისის ორგანიზაციაში, აუცილებლად ვიხილავთ პოლიტსაბჭოში, - ამის შესახებ განაცხადა „ერთიანი ნაციონალური მოძრაობის“ გენერალური მდივნის მოადგილემ, ირაკლი ფავლენიშვილმა.
მის თქმით, ეს მოხდება იმის შემდეგ, რაც გაიმართება თბილისის ყრილობა, სადაც ოფიციალურად დამტკიცდებიან და აირჩევიან ეს ადამიანები თანამდებობაზე.
„ეს ყრილობა ჩატარდება დეკემბრის თვეში და, რა თქმა უნდა, „ნაციონალური მოძრაობა“ ბოლო თვეების განმავლობაში აჩვენებს უპრეცედენტო მაგალითს შიდა დემოკრატიის და მათ შორის მსგავსი ტიპის თანამდებობის მქონე ადამიანები, როგორიც ბატონი ირაკლია, იქნებიან არჩეულები ფართო ჩართულობით.“ - განაცხადა ირაკლი ფავლენიშვილმა.