საქართველოს პრეზიდენტი მიხეილ სააკაშვილი მის ჰალსტუხთან დაკავშირებით ვლადიმერ პუტინის მიერ უკრაინაში გაკეთებულ განცხადებას "წარმატებად" აფასებს.
"როცა ამხელა ქვეყნის მეფეს, რომელსაც ჩვენზე ასჯერ დიდი მიწა, მილიონი პრობლემა აქვს (რადგან იმათი ეკონომიკა იშლება), სხვა არაფერზე ფიქრობს, გარდა მეზობელი, პატარა სახელმწიფოს, რომლის ტერიტორიის ნაწილიც ოკუპირეული აქვს, პრეზიდენტის ჰალსტუხზე, ეს ნიშნავს, რომ უკვე მივაღწიეთ წარმატებას.
დაწყნარებული ვარ, რადგან პრეზიდენტ სარკოზის ერთ-ერთი მეზობელი ქვეყნის ყოვლისშემძლე მეთაური ადრე ჩემი სხეულის სხვა ნაწილებზე ესაუბნებოდა და იმუქრებოდა. რაც უფრო ზემოთ ავა, მით უფრო წყნარად ვიქნები", - ასე უპასუხა სააკაშვილმა პუტინის მიერ კიევში გაკეთებულ განცხადებას.
მისი შეფასებით, საქართველო არის კრემლის პროპაგანდის ცოცხალი უარყოფა.
"ამიტომაც ვერ გვიტანენ მოსკოვში, ამიტომაც უნდა მივაღწიოთ წარმატებას, რადაც არ უნდა დაგვიჯდეს", - განმარტა სააკაშვილმა.