ომის შემსწავლელი ინსტიტუტის (ISW) ინფორმაციით, ვლადიმირ პუტინმა თავდაცვის მინისტრ სერგეი შოიგუს ერთთვიანი ვადა მისცა, რათა ფრონტის ხაზზე სიტუაცია გააუმჯობესოს და უკრაინელების კონტრშეტევა შეაჩეროს. ISW ინფორმაციას კრემლის შიდა წყაროებზე დაყრდნობით ავრცელებს.
ISW-ის თქმით, თუ ინფორმაცია სიმართლეს შეეაბამება, რუსეთის არმიის მეთაურებმა, შესაძლოა, დაუნდობელი შეტევების ბრძანება გასცენ, რათა უკრაინელებს კონტრშეტევის დასრულება აიძულონ, თუნდაც ეს რუსეთის არმიას ძვირად დაუჯდეს.
ISW-ის ანგარიშში ღნიშნულია, რომ პუტინმა პირველად აღიარა უკრაინის კონტრშეტევის დაწყება 9 ივნისს და ორი ძირითადი და მუდმივი ნარატივს გაუსვა ხაზი, რომ უკრაინული ძალები ვერ მიაღწევენ მნიშვნელოვან შედეგებს და რომ ისინი განიცდიან მძიმე დანაკარგებს როგორც პერსონალის, ისე დასავლური სამხედრო აღჭურვილობის.
„პუტინი და კრემლი წარმოადგენენ რუსეთის თავდაცვით ოპერაციებს, როგორც მთავარ გამარჯვებას ბრძოლის ველზე, მუდმივი რუსული კონტრშეტევები საშუალებას აძლევს კრემლს განაცხადოს, რომ ეს ოპერაციები ცალკეული გამარჯვებებია ფრონტზე რუსეთის წარმატების საერთო ნაკლებობის ფონზე“, - ნათქვამია ანგარიშში.
