პრომეთეს მღვიმეში ბევრად უფრო დიდი პოტენციალია ტურიზმის გასავითარებლად, ვიდრე სათაფლიაში - ამის შესახებ საქართველოს პრეზიდენტმა მიხეილ სააკაშვილმა სათაფლიაში გამართულ მთავრობის სხდომაზე განაცხადა.
"სათაფლიის ნაკრძალში გამართული მთარობის სხდომიდან ვაპირებთ წავიდეთ და დავთვალიეროთ პრომეთეს მღვიმე. იქ ბევრად დიდი პოტენციალია კარგი ტურისტული გარემოს შესაქმნელად. მინდა გითხრათ, რომ ამასწინათ, მე, გოგა ხაჩიძე და ვერა ქობალია ვიყავით მექსიკაში და ვნახეთ რომ ამხელა ქვეყანას აქვს მხოლოდ ერთი მღვიმე, რომელიც არის მთავარი ტურისტული მიზიდულობის ცენტრი იმ ქვეყანაში, რომელიც ათეულობით მილიონ ტურისტს იღებს", - განაცხადა სააკაშვილმა.