საქართველოსა და შვედეთის მთავრობებს შორის 2010-2013 წლებში განვითარების მიზნით თანამშრომლობის შესახებ ხელშეკრულება გაფორმდა.
აღნიშნული შეთანხმების ფარგლებში 2010-2013 წლების განმავლობაში საქართველოსთვის განვითარების მიზნით თანამშრომლობის ფარგლებში შვედეთი გამოყოფს დაახლოებით 480 მილიონ შვედურ კრონას (დაახლოებით 51 მილიონი ევრო), რაც ყოველწლიურად დაახლოებით 120 მილიონ შვედურ კრონას შეადგენს (დაახლოებით 13 მილიონი ევრო).
შვედეთსა და საქართველოს შორის 2010-2013 წლებში განვითარების მიზნით თანამშრომლობის შესახებ შეთანხმების მიზანია მხარეებს შორის განისაზღვროს თანამშრომლობის ის ძირითადი სფეროები, რაც მხარს დაუჭერს საქართველოსა და ევროკავშირს შორის ევროპული სამეზობლო პოლიტიკის სამოქმედო გეგმის განხორციელებას.
ევროკავშირთან ინტეგრაციის კუთხით ურთიერთობების გაღრმავება ხელს შეუწყობს რეფორმების განხორციელებას, რაც თავის მხრივ ეკონომიკური ზრდისა და მდგრადი განვითარების საწინდარი იქნება. ასოცირების შესახებ ხელშეკრულებაზე დაღრმა და ყოვლისმომცველი თავისუფალი ვაჭრობის შესახებ შეთანხმებაზე მოლაპარაკება და მათი განხორციელება საქართველოსთვის რეფორმების გატარების მნიშვნელოვან ასპექტს წარმოადგენს და ამ პროცესს შვედეთი მხარს უჭერს.
2010-2013 წლებში საქართველო და შვედეთი ითანამშრომლონ შემდეგ ძირითად სფეროებში: დემოკრატიული მმართველობის განვითარება და ადამიანის უფლებათა დაცვა; გარემოს დაცვა; ვაჭრობისა და კერძო სექტორის განვითარება.
შვედეთისა და საქართველოს შორის განვითარების მიზნით თანამშრომლობის მიზანია საქართველოს ევროკავშირთან დაახლოების და განვითარების ხელშეწყობა, რაც მნიშვენლოვანია სიღარიბის დაძლევისათვის.
