დღეს, საღამოს 20:00 საათზე პარლამენტთან ევროპული საქართველო და პარტნიორი ორგანიზაციები გარუსების საწინააღმდეგო აქციას გამართავენ. აქცია არ იქნება სტანდარტული, არ იქნებიან სიტყვით გამომსვლელები. მოქალაქეებს საქართველოს ეროვნული გმირები, პირველი რესპუბლიკის შემქმნელები და თავისუფლებისთვის მებრძოლები ეკრანიდან მიმართავენ.
შსს-გან რამდენიმე საათიანი შეფერხების შემდეგ, ორგანიზატორებმა შეძლეს სცენის აწყობა. ადგილზე მონტაჟდება 5 ეკრანი, სადაც ნაჩვენები იქნება ფილმები, რითაც ორგანიზატორები ქართული ოცნების რუსულ პროპაგანდას დაუპირისპირდებიან.
როგორც ევროპული საქართველოს თავმჯდოამარემ, გიგა ბოკერიამ აღნიშნა, საქართველოსთვის რუსეთის ბანაკში ყოფნა და მასთან მოკავშირეობა რეალურად მის ვასალობას, სახელმწიფოებრიობაზე უარის თქმასა და თაობების ჭაობში ცხოვრებისთვის გაწირვას ნიშნავს.
„ეს ასე იყო 150 წლის წინ და ესმოდათ ჩვენი სახელმწიფოს დამფუძნებელ ადამიანებს, ასე იყო 100 წლის წინ და ასეა ახლაც. ჩვენ დღეს საღამოს, ჩვენს გარუსების პოლიტიკის წინააღმდეგ დადგემილ აქციაზე როგორ ემთხვევა ჩვენი ღია მტრების არგუმენტები ჩვენივე მთავრობის ვითომ მზრუნველობით არგუმენტებს.
სინამდვილეში ისინი ერთ საქმეს აკეთებენ, ამიტომ რუსეთთან ერთად ჩვენს ქვეყანას მომავალი არ აქვს და ამ პუტინისტური რეჟიმის მოცილების გარეშეც ჩვენ ვერ გავალთ თავისუფლების სამშვიდობოს, ამას ეძღვნება დღევანდელი აქციაც“ - თქვა გიგა ბოკერიამ
პარტიის წევრი, თენგო კირთაძემ აღნიშნვს, რომ ძალიან კარგი იქნებოდა, თუ საზოგადოების დიდი ნაწილი შეძლებს იმ ფილმის ნახვას, რომელსაც დღეს აქციაზე მყოფი მოქალაქეები იხილავენ.
მისი თქმით, ეს ფილმი უპირისპირდება ქართული ოცნების პროპაგანდას, და შემოაქვს სიცხადე პროცესში იმის შესახებ, თუ რა არის რეალურად ქართული კულტურა, მისი ისტორიული მეხსირება, იდენტობა და რატომ არის ევროპული გზა საქართველოსთვის უალტერნატივო.
