15 დეკემბერს, 14:00 საათზე, მაგთი კლუბში (რუსთაველის გამზ. #22) გაიმართება პრესკონფერენცია T. BLUES MOB -ის კონცერტთან დაკავშირებით. კონცერტი შედგება მაგთი კლუბში 16 დეკემბერს, 20:00 საათზე.
T. BLUES MOB _ ვირტუოსი ქართველი მუსიკოსებისგან შემდგარი ბენდია, იგი ცნობილია ბლუზის საკუთარი, უკომპრომისო ვერსიით, რომელიც როკის, ჯაზისა და სოულის ელემენტებს ეფუძნება.
ბენდის რეპერტუარი მოიცავს როგორც პოპულარული ჯაზკომპოზიციების ორიგინალურ ვერსიებს, ასევე ნაკლებად ცნობილ, ტრადიციულ ბლუზსიმღერებს; როკისა და სოულის ჟანრში შექმნილ საკუთარ კომპოზიციებს.
T. BLUES MOB 1998 წელს ქართული ბენდის ბლუზ მობაილ ბენდის ცნობილ წევრმა - კოკა ცქიტიშვილმა ჩამოაყალიბა.
კოკა ცქიტიშვილი ბენდის ლიდერი, ვოკალი და ბასისტია. მას აქვს ძალიან რიტმული, აგრესიულ-იმპროვიზაციული სტილი. წერს სიმღერებს, აქვს ბლუზის, სოულისა და როკმუსიკის შესრულების თავისი გამორჩეული მანერა.
თამაზ თხინვალელი - წამყვანი გიტარა, საქართველოში საუკეთესო ბლუზ გიტარისტი. გამოირჩევა თავისი ორიგინალური ხელწერითა და ტექნიკური შესრულებით.
რომა რცხილაძე- ვირტუოზი ბუგისა და ბლუზის შემსრულებელი, მისი დაკვრის სტილი ხასიათდება უძლიერესი ტექნიკურობითა და შემოქმედებითობით.
დავით მანიჟაშვილი - ფეთქებადი და ტექნიკური, ბლუზ- და ჯაზდრამერი.
1998-2010 წლებში T. BLUES MOB -ს ჰქონდა ტურები დანიაში, გერმანიაში, შვედეთში, ბელგიაში, რუსეთში, ტაილანდში, ნიდერლანდებსა და ნორვეგიაში, სადაც ჯგუფის წევრებს უკვე ჰყავთ თაყვანისცემლები. ჯგუფის კონცერტები ამ ქვეყნებში ყოველთვის იმსახურებდა მაღალ შეფასებას ადგილობრივ პრესაში. ბენდს მიღებული აქვს მონაწილოება როკის, პოპის, ბლუზისა და ჯაზის ისეთ დიდ ფესტივალებში, როგორიცაა: Midfyns (Denmark, 1998), Notoden Blues Fest (Norway, 2001, 2004), Samso Fest (Denbmark, 2001), Kloften (Denmark, 2002), Loftoden (Norway, 2002), Harley-Davidson Rock Fest. (Denmark, 1998, 2002, 2005, 2008), Lillehammer (Norway, 2005), Skandeborg Rock Fest. (Denmark, 2005, 2007), Koh Samui Blues Fest. (Thailand, 2005), Flashboda Blues Fest. (Sweden, 2005, 2007), Aaborg Blues & Jazz Fest. (Denmark, 2005, 2006, 2008), Copenhagen Blues Fest. (Denmark, 2005, 2008, 2009) და ა.შ. .
T. BLUES MOB მრავალჯერ გამოსულა კონცერტებზე ბლუზისა და როკის ისეთ ბრწყინვალე შემსრულებლებთან ერთად, როგორებიც არიან: Johnny Winter, Alvin Lee, Omar & the Howlers, Dave Hole, Magic Slim & the Teadrops, Blaze, Walter Trout, Guy Forsyth, Rob Tognoni და სხვები. ბენდს ჩაწერილი აქვს CD "LIVE IN DENMARK" ჰარლი დევიდსონის როკ ფესტივალზე, დისკი გამოშვებულია 2003 წ.. დანიის ლუნგაარდის ჩამწერი სტუდიის მიერ.
2006 წელს ჩაწერა და გამოუშვა ახალი სტუდიური ალბომი "UNEXPECTED"საქართველოში SANO-სტუდიაში 2009 წელს ბენდმა ჩაწერა CD "LIVE IN DENAMRK 2010 " რომელიც გამოშვებულია დანიის CB STUDIO-ს მიერ 2010წ.
