პრორუსული ტელეგრამ-არხების ინფორმაციით, გასულ ღამეს ანექსირებულ ყირიმში 22 დრონი გაუშვეს. საოკუპაციო რეჟიმის წარმომადგენელმა ოლეგ კრიუჩკოვმა გამოაქვეყნა ფოტოები, რომლებშიც მისი თქმით, ჩანს ერთ-ერთი დრონი - ჩინეთის წარმოების Mugin-5. მწარმოებლის ვებგვერდზე განთავსებულ ინფორმაციაში ნათქვამია, რომ მისი შეძენა 9 500 დოლარად არის შესაძლებელი.
რუსული ტელეგრამ-არხების ცნობით, ღამით, ანექსირებულ სევასტოპოლში უკრაინის შეიაღარებული ძალების მიერ დრონებით თავდასხმა განხორციელდა.
კრიუჩკოვის თქმით, ყველა დრონი და რაკეტა, რომლებიც ყირიმის მიმართულებით გაუშვეს, რუსეთის ძალებმა ჩამოაგდეს.
