ევროკავშირის საგარეო საქმეთა და უსაფრთხოების პოლიტიკის საკითხებში უმაღლესი წარმომადგენელი, ჯოზეფ ბორელი სუდანში არსებულ ვითარებას ეხმიანება და მხარეებს ძალადობის შეწყვეტისკენ მოუწოდებს.
"ევროკავშირი ყველა ძალას მოუწოდებს, დაუყოვნებლივ შეწყვიტოს ძალადობა. ესკალაცია მხოლოდ სიტუაციის გაამწვავებს. მოქალაქეების დაცვა პრიორიტეტია". - წერს ბორელი Twitter-ზე.
გარდა ამისა, ბორელი აღნიშნავს, რომ სუდანში მყოფი ევროკავშირის ყველა თანამშრომელი უსაფრთხოდაა.
სუდანის გასამხედროებული დაჯგუფების, „სწრაფი რეაგირების ძალების“ განაცხადებით, კონტროლი დაამყარეს პრეზიდენტის სასახლეზე, არმიის მეთაურის რეზიდენციაზე და ხართუმის საერთაშორისო აეროპორტზე. აღნიშნულს სუდანიას არმია უარყოფს.
ამჟამად სამთავრობო არმიასა და გასამხედროებულ დაჯგუფება „სწრაფი რეაგირების ძალებს“ შორის შეტაკებები მიმდინარეობს სამხრეთ დარფურის შტატის ქალაქ ნიალის საერთაშორისს აეროპორტის რაიონში. ასევე ბრძოლებია სუდანის დედაქალაქ ხართუმში სტრატეგიული დანიშნულების ობიექტებთან. ვრცელდება ინფორმაცია, რომ შეტაკებები სახელმწიფო ტელევიზიის შენობაშიც გრძელდა. ტელევიზიის ეთერში ისმის სროლის ხმა.
მანამდე საერთაშორისო მედიაში გავრცელდა ცნობები სუდანის დედაქალაქში „სწრაფი რეაგირების ძალებსა“ და სუდანის შეიარაღებულ ძალებს შორის შეტაკებების შესახებ. თვითმხილველების ინფორმაციით, ხართუმში და მის მიდებარე დასახლებებში სროლის ხმა ისმის. სუდანის დედაქალაქის ქუჩებში ჯავშანმანქანები გადაადგილდება. შეტაკებებია ქალაქ მეროვეშიც.
კონფლიქტი გასამხედროებულ ძალებსა და არმიას შორის მას შემდეგ გამწვავდა, რაც ორმა მხარემ ქვეყნის სამოქალაქო მმართველობაზე გადასვლასთან დაკავშირებით შეთანხმებამდე მისვლა ვერ მოახერხა.
სუდანს, სადაც 1956 წელს დამოუკიდებლობის მოპოვების შემდეგ გამართული პოლიტიკური სისტემის ჩამოყალიბება ვერ მოხერხდა, 2021 წლის ოქტომბრის გადატრიალების შემდეგ სამხედრო გენერლები სუვერენული საბჭოს მეშვეობით მართავენ. აბდელ ფატა ალ-ბურჰანის ბრძანებით, ქვეყნის პოლიტიკური ლიდერები, მათ შორის პრემიერ-მინისტრი, აბდალა ჰამდოკი, დააკავეს და ქვეყანაში საგანგებო მდგომარეობა გამოცხადდა.
ამჟამად სწრაფი მხარდაჭერის გასამხედროებულ ძალებს (RSF) საბჭოს ვიცეპრეზიდენტი, გენერლის მოჰამედ ჰამდან დაგალოსი მეთაურობს. ამავდროულად, არმიას გენერალი აბდელ ფათაჰ ალ-ბურჰანი მართავს, რომელიც სუვერენული საბჭოს ხელმძღვანელია.
