სულ მცირე ექვსი ადამიანი დაიღუპა ამერიკის ტენესის შტატში, ქრისტიანულ სკოლაში მომხდარი სროლისას. დაღუპულთა შორის სამი ბავშვია. თავდამსხმელი პოლიციელების მიერ ლიკვიდირებულია.
პოლიციის თანახმად, ინციდენტი ნეშვილშ ბერტონ-ჰილზის ბულვარში მდებარე სკოლაში მოხდა. გამოძახებაზე მისულ პოლიციელები ორმხრივ სროლაში ჩაერთნენ, რაც მსროლელის ლიკვიდაციით დასრულდა.
პრესკონფერენციაზე პოლიციის წარმომადგენელმა დონ აარონმა განაცხადა, რომ დაღუპულთა შორის სამი ბავშვი, სკოლის სამი თანამშრომელი და თავად მსროლელია. დაჭრილია ერთი პოლიციელი.
თავდამსხმელი შეიარაღებული იყო ორი ცეცხლსასროლი იარაღით.
მანამდე ტელერახი NBC იუწყებოდა, რომ საავადმყოფოში დაჭრილი სამი ბავშვი მიიყვანეს, მაგრამ კლინიკაში მიყვანის მომენტში ბავშვები უკვე გარაცვლილნი იყვნენ.
თავდამსხმელის ვინაობა და მოტივები უცნობია. ასევე უცნობია მისი ასაკიც.
ნეშვილის სკოლა, სადაც ინციდენტი მოხდა, კერძო ქრისტიანული სკოლაა, სადაც მოსწავლეები მეექვსე კლასამდე სწავლობენ, მოსწავლეების ასაკი 11-12 წელია. სკოლაში ამ დროისათვის 200-მდე მოსწავლე სწავლობს.