დონეცკის ოლქის ქალაქ სლავიანსკიზე რუსეთის ძალების დარტყმების შედეგად ორი ადამიანი დაიღუპა და 29 დაშავდა. პრეზიდენტ ვოლოდიმირ ზელენსკი განცხადებით, ადგილზე მუშაობს ყველა სამსახური.
„კიდევ ერთი დღე, რომელიც რუსეთის ტერორიზმით დაიწყო, აგრესორმა სახელმწიფო თავს დაესხა ჩვენს სლავიანსკსს. სამწუხაროდ, არიან დაღუპულები და დაშავებულები, რომლებმაც სხვადასხვა სიმძიმის დაზიანება მიიღეს. ადგილზე მუშაობს ყველა სამსახური, დახმარენას უწევენ. გრძელდება ნანგრევების გაწმენდა“, - განაცხადა ზელენსკიმ.
ზელენსკი შემთხვევის ადგილიდან ფოტოებს ავრცელებს. უკრაინის პრეზიდენტის განცხადებით, უკრაინა მტერს არ აპატიებს ხალხის დაშინებას და სიკვდილს, მისივე თქმით, ყველა რუსი ტერორისტი პასუხს აგებს დანაშაულებისთვის.
დონეცკის საოლქო-სამხედრო ადმინისტრაციის ხელმძღვანელის თქმით, ოკუპანტებმა ქალაქის ცენტრს С300-ის ტიპის ორი რაკეტით დაარტყეს.
სარაკეტო იერიშის შედეგად დანგრეულია ადმინისტრაციული და საოფისე შენობები, 5 მრავალსართულიანი და 7 კერძო სახლი.
ასევე ოკპანტებმა სარაკეტო თავდასხმა განახორციელეს დრუჟკოვკის წინააღმდეგაც. С300-ის ტიპის რაკეტები მოხვდა საბავშვო ბაღის შენონას და ფაქტობრივად მთლიანად გაანადგურა. წინასწარი ინფორმაციით, ამ ქალაქში დაღუპულები და დაშავებულები არ არიან.